Péu-de-lin(-de-la-ferigoulo)
Cuscuta epithymum
Convolvulaceae
Àutri noum : Péu-de-lin, Péu-de-damo, Rasco, Barbo-de-mouine, Cuscuto.
Noms en français : Cuscute du Thym, Petite Cuscute.
Descripcioun :Lou péu-de-lin-de-la-ferigoulo parasito souvènt la farigoulo e àutri Fabaceae (sus la fotò, èi sus l'argelegre). Se recounèis à si long fiéu rouginas, sis enflourejado en grumicelet de 5 à 9 mm e si pichòti flour roso à blanco à pichòti petalo. Li boursèu fan de 1,8 à 2,5 mm.
Usanço :Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo dins lou coumèrci. Tant se poudrié que siegue parié pèr li nostre.
Port : Erbo
Taio : 10 à 50 cm
Fueio : ges
Tipe bioulougico : Teroufite
Cicle bioulougico : Planto de l'an
Gènre : Cuscuta
Famiho : Convolvulaceae
Ordre : Solanales
Coulour de la flour :
Roso
Petalo : 5
Ø (o loungour) flour : 1 à 1,4 mm
Flourido : Printèms
- Estiéu - Autouno
Sòu : Ca
Autour basso e auto : 0 à 2200 m
Aparado : Noun
Jun à óutobre
Liò : Pelouso umido
- Tepiero seco
- Relarg à jóuinis aubret
- Champ
Estànci : Mesoumediterran à Subaupen
Couroulougi : Paleoutemperado
Ref. sc. : Cuscuta epithymum (L.) L., 1774
Tréule-de-prat
Trifolium pratense subsp. pratense
Fabaceae Leguminosae
Àutri noum : Trèflo, Trignoulet, Entrefiol.
Noms en français : Trèfle violet, Trèfle des prés.
Descripcioun :Lou tréule-de-prat es uno planto pasturiero di mai couneigudo, emé de tèsto de flour roundo e d'un rose pourpau. Li fuioun soun óutus emé uno marco en V.
Usanço :S'utiliso en infusioun contro la fouiro, lou toussi, li boutoun e li proublèmo de fege. Ei peréu recoumenda pèr la circulacioun dóu sang. Se manjon li grano greiado que soun proun richo. Mai èi subretout couneigu pèr lucha contro li calourado di femo à la menoupauso que countèn d'estrougèno vegetau (isoflavono). Ei pèr acò que lou treulet èi pas recoumanda pèr li femo empregnado.
Port : Erbo
Taio : Pancaro entresigna
Fueio : coumpausado
Tipe bioulougico : Pancaro entresigna
Cicle bioulougico : Pancaro entresigna
Gènre : Trifolium
Famiho : Fabaceae
Famiho classico : Leguminosae
Ordre : Fabales
Coulour de la flour :
Roso
Petalo : irreguliero
Ø (o loungour) flour : Pancaro entresigna
Flourido : Printèms
- Estiéu - Autouno
Sòu : Ca
Autour basso e auto :
Pancaro entresigna
Aparado : Noun
Liò : Champ
- Prado umido
Estànci :
Pancaro entresigna
Couroulougi :
Pancaro entresigna
Ref. sc. : Trifolium pratense subsp. pratense L., 1753